Գրականություն

Ֆեոդոր Դոստոևսկի

Վեպը հիմնված է հեղինակի սեփական փորձի վրա, սիբիրյան դատապարտյալների ճամբարում: 19-րդ դարի դաժան քրեական համակարգի ֆոնի վրա վեպն ընթերցողին խորասուզում է բանտարկյալների կյանքի, նրանց պայքարի և բանտում մարդկային էության բարդությունների մեջ: Դոստոևսկին ուսումնասիրում է տառապանքի, բարոյականության և փրկագնման ցանկության թեմաները` խորը պատկերացում տալով ծայրահեղ իրավիճակներում մարդու վիճակի մասին:

Ստրուգացկի եղբայրներ

«Դժվար է Աստված լինել» ստեղծագործությունը դասական գիտաֆանտաստիկ վեպ է, որի դեպքերը տեղի են ունենում մի մոլորակի վրա, որը շատ նման է Երկրին, միջնադարյան ժամանակաշրջանում: Գաղտնի կերպով այստեղ գնտվող մեկը, ով Երկիր մոլորակից է, կանգնած է երկընտրանքի առաջ, օգնե՞լ այս մոլորակի հասարակությանը, թե՞ չմիջամտել նրանց կյանքին: Մինչ նա աննկատ մնալով շրջում է բարդ և հաճախ դաժան այս աշխարհում, նա բախվում է բազմաթիվ հարցերի, որոնք նրան մտածելու տեղիք են տալիս: Վեպում խոսվում է իշխանության, բարոյականության և հասարակության զարգացման մեջ միջամտության հետևանքների մասին:

Ֆեոդոր Դոստոևսկի

Ֆեոդոր Դոստոևսկու այս հայտնի վեպի հերոսը սպանություն է կատարում և բախվում ներքին բարոյական կոնֆլիկտի ու հոգեբանական դժվարությունների։ Վեպն ուսումնասիրում է մեղքի, պատժի, բարոյական արժեքների և մարդկային էության ներքին հակասությունների թեմաները։ Գիրքը կազմվել է ebooks.am-ի կողմից։

Ֆեոդոր Դոստոևսկի

«Ծիծաղելի մարդու երազը» ստեղծագործությունում հեղինակը խոսում է գլխավոր հերոսի ներաշխարհի, նրա փիլիսոփայական մտորումների և ներքին հակասությունների մասին։ Հերոսը երազ է տեսնում, որտեղ նա հանդիպում է տարօրինակ պատկերների և իրադարձությունների, ինչը նրան թույլ է տալիս նոր պատկերացումներ ձեռք բերել կյանքի, լինելու իմաստի և այս աշխարհում սեփական դերի մասին: Այս աշխատությունն արտացոլում է մարդու հոգեբանության, հոգևոր որոնումների և փիլիսոփայական արտացոլման թեմաները: Գիրքը կազմվել է ebooks.am-ի կողմից։

Ֆեոդոր Դոստոևսկի

«Կարամազով եղբայրները» ռուս հանճարեղ գրող Ֆեոդոր Դոստոևսկու վերջին վեպն է՝ համաշխարհային գրականության գլուխգործոցներից մեկը։ Սա մի կոթողային վեպ-սինթեզ է, որ ամփոփում է Դոստոևսկու բոլոր ստեղծագործական ձգտումները, համադրում այն բոլոր հակասական հարցերը, որոնք նրան հուզել, տանջել են ամբողջ կյանքի ընթացքում։ Մարդկային կեցության էական կողմերը քննող այդ հարցերը բորբոքվում են հայրասպանության մեծագույն ոճրի շուրջ ալեկոծվող կրքերի, զգացումների և գաղափարների հորձանուտում։ Թարգմանությունը կատարել է Կարպիս Սուրենյանը։ Գրքի երկրորդ այս հատորը կազմվել է ebooks.am-ի կողմից։

Եղիշե Չարենց

«Երկիր Նաիրի» վեպը Հայաստանում տիրող պատմաքաղաքական իրավիճակի նկարագրությունն է Առաջին համաշխարհային պատերազմի տարիներին։ Չարենցը վեպում կենտրոնանում է Կարս քաղաքի վրա, պատմում այնտեղ ապրող նաիրցիների ազատատենչության և հետագա ծանր պարտության մասին։

Արծրուն Պեպանյան

Պատմաքաղաքական այս վեպում ներկայացվում է Պապ թագավորի կառավարման ժամանակաշրջանը: Հեղինակը մասնավորապես ներկայացնում է հիմնախնդիրների այն ընդհանրությունները, որոնք առկա են եղել Պապի կառավարման ժամանակաշրջանում և նաև առկա են մեր օրերում:

Ֆեոդոր Դոստոևսկի

«Կարամազով եղբայրները» ռուս հանճարեղ գրող Ֆեոդոր Դոստոևսկու վերջին վեպն է՝ համաշխարհային գրականության գլուխգործոցներից մեկը։ Սա մի կոթողային վեպ-սինթեզ է, որ ամփոփում է Դոստոևսկու բոլոր ստեղծագործական ձգտումները, համադրում այն բոլոր հակասական հարցերը, որոնք նրան հուզել, տանջել են ամբողջ կյանքի ընթացքում։ Մարդկային կեցության էական կողմերը քննող այդ հարցերը բորբոքվում են հայրասպանության մեծագույն ոճրի շուրջ ալեկոծվող կրքերի, զգացումների և գաղափարների հորձանուտում։ Թարգմանությունը կատարել է Կարպիս Սուրենյանը։ Գրքի առաջին այս հատորը կազմվել է ebooks.am-ի կողմից։

Ս. Գրիգոր Նարեկացի

Գրիգոր Նարեկացու «Մատյան Ողբերգության» պոեմը հայ միջնադարյան գրականության մտքի գլուխգործոցն է: Պոեմը բաղկացած է իննսունհինգ գլխից: Ժանրային առումով այն քնարական-հոգևոր է: Պոեմը հայտնի է նաև «Նարեկ» անունով: Պոեմում Նարեկացին փորձում է մարդկանց բոլոր մեղքերը վերցնել իր վրա: Այստեղ վառ արտահայտվում է բանաստեղծի ողբերգական ապրումները: Նա տարակուսում է՝ կարող է հասնել իր իդեալին՝ Աստծուն, որովհետև գնալով աճում են իր մեղքերը: Նա գտնում է, որ Աստծուն հասնելու համար մարդ պետք է մաքուր լինի ամեն տեսակ թերություններց: Կատարյալին հասնելու համար մարդ պետք է խոստովանի և դատապարտի իր վատ արարքները, մեղքերը:

Վալտեր Արամյան

Վ. Արամյանի այս փոքր վիպակը նվիրված է Պարխարյան լեռներում ապրող մի փոքր, բայց ազատատենչ համայնքի պայքարին ընդդեմ իրենց կեղեքիչների և Օսմանյան կայսրության: Խոտորջուրը մի քանի գյուղերից բաղկացած գավառակ էր, որ գտնվում էր Էրզրումի վիլայեթում՝ Քաջքար լեռան մերձակայքում: Խոտորջուրցիների մեծ մասը ոչնչացավ ցեղասպանության ժամանակ, իսկ ողջ մնացածները ապաստանեցին Արևելյան Հայաստանում: